No marco do proxecto “Prevención de la Violencia de Género y mejora de la Salud Sexual y Reproductiva de las mujeres en 10 comunidades de El Viejo, Chinandega (Nicaragua) Fase 2” cofinanciado pola Xunta de Galicia e executado por APADEIM e Fundación Mujeres, estívose traballando no deseño e implementación dunha estratexia de incidencia cidadá ante as institucións en demanda dunha mellor atención, respecto ao acceso á xustiza, para as mulleres que viven situacións de violencia baseada en xénero.
As mulleres afrontan con maior vulnerabilidade ante a violencia baseada en xénero cando, ao acudir ás institucións para acceder á xustiza ante situacións de violencia, encontran constantes dificultades, entre as que mencionan: a revitimización, os comentarios culpabilízantes, a promoción das mediacións, o que non lles permitan estar acompañadas polas organizacións de mulleres cando interpoñen a denuncia, e non recibir a orientación e apoio necesario por parte dos funcionarios e as funcionarias.
A Estratexia de Incidencia en cuestión pretende abrir espazos para poder ir facendo os cambios tan necesarios en plans, programas e políticas estatais. Esta estratexia conleva un proceso de formación previo no que mulleres e homes poidan identificar e denunciar as situacións de violencia nas súas comunidades, así como organizarse e participar activamente nas acción do Observatorio da Violencia Baseada en Xénero. Tamén se contemplan accións como a divulgación dos dereitos das mulleres e o contido da Lei 779 – Lei Integral contra a Violencia cara as Mulleres, así como o acompañamento ás vítimas no proceso de denuncia, a mobilización comunitaria e la denuncia nos medios de comunicación. Ademais, ao ir desenvolvendo accións de incidencia, amplíase a capacidade de intervención da poboación para alcanzar os niveis onde se toman decisións.
