Las Mélidas, en coordinación con Fundación Mujeres, iniciaron un proceso de formación con 14 axentes da PNC, xefes de diferentes áreas como o 911, prevención, turismo, así como xefes e subjefes de delegacións entre outros, dentro do Plan de Capacitación en Dereitos e Procedementos a Persoal da Policía Nacional Civil (PNC).
Na primeira sesión desenvolveuse o tema “Alcance da Lei Especial Integral para unha Vida Libre de Violencia para as Mulleres (LEIV)”. Nun primeiro momento, ademais de presentar a actividade e o proxecto no que se enmarca a mesma, realizouse un sondo para evaluar o coñecemento previo da lei. É importante destacar que algunhas das persoas participantes coñecían a lei, aínda que a maioría afirmaba oír falar dela, pero non coñecían o seu contendido en profundidade.
O taller consistiu en consolidar conceptos que se atopan na Lei e en definir as obrigacións da PNC. Posteriormente, par aponer en práctica o traballado na primeira parte do taller, escolleuse tratar o tema do acoso sexual, aplicándose a técnica de socio-drama. Ofrecéuselles unha situación tipo e desde ese suposto desenvolveuse a teoría e a importancia de ter un protocolo de actuación e o deber de rexerse pola LEIV para atender a situación do xeito máis adecuado.
A sesión formativa foi facilitada por Delia Cornejo, coordinadora de Las Mélidas na zona central, quen xa tiña experiencias de traballo previas con persoal da PNC. Neste taller creouse un ambiente ameno e de confianza, polo que a recepción do tema foi boa.
Con este taller deuse inicio ao proceso de formación que constará de 10 talleres, catro de sensibilización sobre a prevención e atención ás VCM para altos mandos e seis talleres con axentes das UNIMUJER-ODAC.
Esta formación forma parte das accións no marco do proxecto “Contribuyendo al empoderamiento de las mujeres en los derechos sexuales y reproductivos y de una vida libre de violencia en el occidente de El Salvador” executado por Las Mélidas, en coordinación con Fundación Mujeres e o apoio financeiro da Xunta de Galicia – Cooperación Galega.
