O pasado mes de xaneiro, no marco do proxecto “Prevención da Violencia de Xénero e mellora da Saúde Sexual e Reprodutiva das mulleres en 10 comunidades de El Viejo, Chinandega (Nicaragua) Fase 2”, cofinanciado pola Xunta de Galicia e executado por APADEIM e Fundación Mujeres, avaliouse a situación de violencia cara as mulleres a nivel nacional e, en máis detalle, no municipio de El Viejo, cas persoas que exercen o rol de referentes comunitarios e enlaces do SAT e do Observatorio de Católicas polo dereito a decidir.
Durante 2016 rexistráronse 49 femicidios a nivel nacional. A maioría aconteceron na Rexión Autónoma Caribe Sur e Norte, Jinotega e Managua. Ademais, 61 mulleres foron vítimas de feminicidios en grado de frustración. En 18 dos 49 femicidios que se deron no 2016, os homes utilizaron arma branca e en 15 dos casos utilizaron arma de lume. No resto de crimes empregaron as súas mans exercendo nas diferentes formas o seu poder por encima dos corpos das mulleres.
No informe anual do SAT e Observatorio de violencia municipal de El Viejo, reportáronse 49 mulleres apoiadas polas enlaces ou referentes comunitarias e 15 mulleres fixeron uso do Sistema de Alerta Temperá. A nivel departamental, o SAT identificou un total de 145 mulleres pertencentes ós 13 municipios de Chinandega.
No que vai de ano, segundo a Rede de Mulleres contra a Violencia, rexistráronse xa 10 femicidios: 3 en Matagalpa, 1 en Corinto, 1 en Chinandega, 2 en Estelí, 1 en Wilwi e 2 no municipio de El Tortuguero da RAACS.
APADEIM, actualmente, está recompilando os datos reportados polos medios de comunicación, as referentes comunitarios e enlaces do Sistema de Alerta Temperá (SAT), para o proceso de elaboración do boletín trimestral de xaneiro a marzo 2017.
