No marco do proxecto “Prevención da Violencia de Xénero e mellora da Saúde Sexual e Reprodutiva das mulleres en 10 comunidades de El Viejo, Chinandega (Nicaragua)”, cofinanciado pola Xunta de Galicia e promovido por APADEIM e a Fundación Mujeres, terá lugar o Xoves 26 de Maio de 2016 en el Viejo (Nicaragua), a Feira Municipal polo Día Internacional de Acción pola Saúde das Mulleres.
Para a realización da devandita Feira realizáronse previamente sesións de planificación do equipo de APADEIM para o deseño de materiais educativos, xornadas de difusión entre as diferentes comunidades, visitas a medios de comunicación local (entrevistas en radio e televisión).
É importante resaltar os esforzos de articulación con outras institucións locais e estatais vinculadas coa temática a abordar (Ministerio de Salud, Ministerio de Educación, Alcaldía Municipal, Policía, Fundación Amigos de Holanda, Casa de la Mujer, Profamilia, Asodel, Movimiento de Mujeres de Chinandega).
Durante a Feira Municipal serán abordados os dereitos sexuais e reprodutivos das mulleres desde unha perspectiva educativa, informativa e baixo un enfoque de dereitos humanos.
A actividade contará coa asistencia de 100 mulleres e 100 homes pertencentes a 10 comunidades de El Viejo, así como con outras organizacións locais, institucións estatais e cidadanía en xeral.
