No marco do proxecto “Prevención da Violencia de Xénero e mellora da Saúde Sexual e Reprodutiva das mulleres en 10 comunidades de El Viejo, Chinandega (Nicaragua) Fase 2”, promovido por APADEIM e a Fundación Mujeres, durante o mes de xullo realizouse o taller sobre autoestima nas comunidades de El Congo e Las Chinas. Neste taller trabállase coas mulleres a imaxe que teñen de si mesmas, a identidade feminina, así como os sentimentos de culpabilidade, medos e as perdas. Todo iso para traballar o fomento da súa autoestima. Así mesmo, realizouse o seguimento do taller na comunidade El Pedregal.

Durante este espazo introduciuse o tema a través de accións lúdicas e fáciles de comprender para as participantes. Contouse coa participación de todas as convidadas, quen manifestaron o seu entusiasmo pola temática, xa que é nova para elas.

A continuación preséntanse algunhas das afirmacións manifestadas á finalización do taller:

“Autoestima é como me vexo, se me quero ou non me quero”.

“En si impórtame o que outras falen de min, e é que ás veces si afecta, porque a min póñenme alcumes e ás veces fanme sentir mal”.

“Eu ámome, quérome, xa estou vella e xa vivín o suficiente como para pórlle mente á xente, xa só me teño a min”.