O pasado 20 de novembro, no marco do proxecto “Prevención de la Violencia de Género y mejora de la Salud Sexual y Reproductiva de las mujeres en 10 comunidades de El Viejo, Chinandega (Nicaragua)”, cofinanciado pola Xunta Galicia e promovido por APADEIM e Fundación Mujeres, celebrouse un encontro intercomunitario con representantes de 10 comunidades rurais, co propósito de xerar un espazo de análise e contribuír entre todas á deconstrucción do concepto tradicional da maternidade, enfocándose nos dereitos das mulleres na maternidade.
Este espazo permitiu que as mulleres reflexionasen sobre o seu dereito a vivir unha maternidade libre de violencia de xénero, con integridade física e emocional. Debateron sobre as experiencias na atención recibida nos hospitais e centros de saúde, expresando opinións sobre a falta de calidade e calidez na devandita atención. Moitas mulleres afirmaron sentirse maltratadas durante os seus partos e na atención prenatal.
Con esta actividade reforzáronse tamén os coñecementos sobre dereitos sexuais e reprodutivos, o acceso a métodos de planificación familiar e o tema da corresponsabilidade paterna nos coidados das e os menores, tratados nas accións formativas anteriores.
