Ao expresar os propios sentimentos e emocións e validalos, comezamos un camiño para afirmar os noso dereito a sentir e ser quen realmente somos, aumentando o noso sentimento de autorrespeito. Este recoñecemento cobra aínda máis forza cando se fai dentro do ámbito grupal. Este é o obxectivo das sesións de autoestima dentro do programa de Saúde e Autocoidado do Servizo de Apoio Integral a Coidadoras que Fundación Mujeres ven desenvolvendo e Ordes dende o día 17 de novembro, con data de finalización o 26 de decembro de 2017.
Esta actividade ten como obxectivo que las participantes tomen conciencia dos logros acadados e das virtudes que os fixeron posibles, co debuxo e creatividade como medio para expresalos. A miúdo resulta difícil recoñecer as virtudes ou destrezas propias por medo a parecer pouco modestas ou arrogantes. A algunhas persoas lles resulta difícil pensar que obtiveron algo nas súas vidas, tal vez porque interpretan como logros tan so os éxitos marabillosos, mais hai que insistir en que todas acadamos logros de maior ou menor importancia na nosa vida, tanto no ámbito familiar, como nas relaciones interpersoais, estudos, traballo, crecemento persoal, etc.
Desempeñar o rol de coidadoras dentro do ámbito familiar e doméstico, vai conformándo ás mulleres como “seres-para-outros” (como definía Lagarde), un feito que inflúe e modela a súa autoestima; neste sentido é fundamental ter algunhas ferramentas para o desenvolvemento da autoimaxe positiva.
