Fundación Mujeres, APADEIM e a Asociación Centro de Orientación Familiar e Educación Sexual «XOCHILT ACALT» asinamos un convenio para o servizo médico-xinecolóxico especializado mediante atención e consello en Saúde, Sexual e Reprodutiva personalizada a 100 mulleres das 10 comunidades de El Viejo onde se desenvolve o proxecto «Prevención de la Violencia de Género y mejora de la Salud Sexual y Reproductiva de las mujeres en 10 comunidades de El Viejo, Chinandega (Nicaragua)» cofinanciado pola Xunta Galicia e promovido por APADEIM e Fundación Mujeres.

Está previsto iniciar os seguimentos médico-xinecolóxicos nos primeiros días de xuño, especificando medidas de prevención, detección temperá e atención especializada en Saúde Sexual e Reprodutiva para o benestar físico e emocional das Mulleres.

Esta actividade ten o propósito de crear condicións que faciliten que as mulleres teñan acceso aos seguimentos nos que se realizará unha charla de consello previa, exames especializados para garantir un diagnóstico máis acertado nas lesións precursoras do cancro cérvico uterino e de mama, e iniciar un proceso médico – xinecolóxico para a identificación de patoloxías por cada muller.