Dentro das accións realizadas no marco do proxecto “Contribuíndo ao empoderamiento das mulleres nos dereitos sexuais e reprodutivos e dunha vida libre de violencia no occidente de El Salvador”, executado por Las Mélidas en coordinación con Fundación Mujeres e o apoio financeiro da Xunta de Galicia, está a levarse a cabo un proceso formativo con mulleres adultas de Sonsonate, Santa Ana e Ahuachapán no occidente do Salvador.

O  último taller realizado comezou cun repaso xeral do tema anterior, sexo-xénero, onde as participantes achegaron as cousas que lembraban do traballado na sesión.

Posteriormente, falouse da autonomía e as mulleres relacionárona con ser auto-suficientes, tomar as súas propias decisións, xerar ingresos propios, entre outras cousas. Durante o taller explicóuselles que existen diferentes tipos de autonomía como a do corpo, a económica, territorial, etc.., aclarando ben o concepto e resolvendo as dúbidas que ían xurdindo respecto diso.

Despois desta introdución continuouse desenvolvendo o tema de dereitos sexuais e reprodutivos para que as mulleres coñezan e vivan con autonomía os seus corpos e a súa sexualidade, resaltando a importancia de que as mulleres poidan decidir sobre a súa sexualidade, ter ou non fillas e fillos, así como a cantidade e, especialmente, que poidan recoñecer se son vítimas de abuso ou se existe abuso na súa contorna.

Así mesmo, fíxose unha análise da situación respecto dos feminicidios ocorridos nos últimos meses, explicando e facendo conscientes ás mulleres de que a maioría das vítimas foron violentadas de distintas formas anteriormente aos seus asasinatos. As participantes manifestaron a súa preocupación e os sentimentos de enojo e impotencia que isto lles provoca.

Foi unha sesión moi completa e frutífera para ambas as partes e as mulleres están moi motivadas para continuar co proceso formativo.