O pasado 1 de xullo comezou o proxecto “Igualdade, Interculturalidade e Convivencia en A Coruña” que ten por obxectivo contribuír á promoción dunha cidadanía global concienciada sobre a igualdade de xénero e a defensa dos dereitos humanos das mulleres. Este proxecto será executado por Fundación Mujeres e cofinanciado pola Deputación da Coruña.
Os talleres de educación para odesenvolvemento, que se realizarán no marco deste proxecto no último trimestre do ano, terán lugar no IES Agra do Orzán e no CE Liceo La Paz en A Coruña así como en diferentes centros educativos do concello de Culleredo.
Este proxecto enmárcase dentro da estratexia de Fundación Mujeres en Educación para o Desenvolvemento ou Educación para a Transformación Social. Na mesma, recoñécese a necesidade de contribuír á xeración dunha conciencia crítica na poboación de Galicia, especialmente a máis nova, que permita cuestionar as desigualdades sociais que se dan na nosa sociedade, considerando que é necesario seguir incidindo na igualdade entre homes e mulleres. Agora ben, se queremos que a igualdade de xénero e o acceso a dereitos sexa para todas as mulleres, é imprescindible traballar desde unha visión onde se crucen outros eixos de opresión, como a clase social, a etnia, a nacionalidade, etc.
Neste momento as nosas sociedades caracterízanse pola súa diversidade social, con todo mantéñense as desigualdades asociadas a esa diversidade. Por iso faise imprescindible traballar para que a interculturalidade sexa posible e a convivencia sexa unha realidade porque as relacións sexan igualitarias.
