No marco do 25 de novembro de 2018, con motivo do Día Internacional contra a Violencia de Xénero, o Centro Integrado de Formación Profesional (CIFP) Someso levou a cabo a campaña «Controla que non te controlen» co ánimo de dar visibilidade as situacións cotiáns do control entre a mocidade, que son a base na escalada cara á violencia de xénero, na que participou o alumnado e profesorado do Centro. Dentro da campaña realizaronse diversas actividades de sensibilización, concertos benéficos e venda de camisetas co lema da campaña «Controla que non te controlen».
O pasado xoves 7 de marzo as 13:00 hs, no Salón do Aulario do CIFP Someso tivo lugar un acto para facer a entrega da doazón de 700€, importe recadado pola venda das camisetas, á Fundación Mujeres, representada por Esther Basanta e Rosalía Romarís.
Desde Fundación Mujeres sentimonos orgullosas de ser a entidade elixida polo centro e queremos darlles as grazas publicamente por esta doazón, especialmente polo simbólico deste acto pois representa o seu compromiso cun tema tan crucial como a loita contra a violencia de xénero. Pola nosa banda, seguiremos traballando co obxectivo de contribuír á mellora da situación social e a calidade de vida das mulleres, así como ao desenvolvemento do principio e as políticas de igualdade de oportunidades entre mulleres e homes nos diferentes ámbitos social, político e económico.
