O pasado xoves 29 de novembro tivo lugar o último espazo de participación do Servizo de Apoio Integral a Coidadoras no municipio da Coruña. Nesta ocasión tratouse dunha visita guiada á Fundación Barrié para coñecer a exposición “Roses from my Garden” do fotógrafo británico Nick Knight.

A mostra, composta por 50 fotografías, presenta unha nova forma de representación da arte, onde Knight mestura a realidade, a intelixencia artificial e a pintura. Á simple vista, parece unha serie de fotografías de flores, capturadas cun teléfono móbil na cociña do propio artista, pero ao observar con máis detalle as flores revelan texturas únicas, composicións de luces e cores moi pensadas e un traballo artístico que potencia e intensifica a realidade. Esta innovación artística crea unha obra única con cada fotografía, reformulando o uso da intelixencia artificial na arte e a súa mestura con técnicas clásicas como a pintura.

Nestes eventos culturais, as mulleres coidadoras que acuden ó servizo atopan, a partir dunha actividade lúdica, un momento para o respiro e para a necesaria desconexión das responsabilidades dos coidados, un lugar para o desenvolvemento persoal e para impulsar as súas propias inquietudes e motivacións creativas.  Ademáis, ofrecen una nova oportunidade  para crear vínculos e novas amizades entre elas, para compartir experiencias e xerar un ambiente de apoio mutuo.

O Servizo de Apoio Integral a Coidadoras no municipio da Coruña está financiado polo Concello de A Coruña, e agradecemos a colaboración da Fundación Barrié para a organización desta actividade.