Dentro das actividades do proxecto “Prevención de la Violencia de Género y mejora de la Salud Sexual y Reproductiva de las mujeres en 10 comunidades de El Viejo, Chinandega (Nicaragua)”, cofinanciado pola Xunta de Galicia e promovido por APADEIM e Fundación Mujeres, contemplase un plan de formación en materia de “Salud Sexual y Reproductiva con enfoque de Género y Derechos” cas 100 mulleres beneficiarias das 10 comunidades de El Viejo. Recentemente iniciouse o primeiro módulo “Determinantes sociales en la Vida Sexual y Reproductiva de las Mujeres” en varias de las comunidades.

A formación ás beneficiarias contén 4 módulos distribuídos en 8 obradoiros formativos que se desenvolverán durante a vida do proxecto. Dita formación está deseñada para facilitar ás mulleres beneficiarias un espazo de reflexión que lles permita desconstruir aos poucos as desigualdades na saúde sexual e reprodutiva isto permitirá que as mulleres establezan relacións xustas, baseada en dereitos e igualdade para previr a violencia de xénero.
Até o momento realizáronse, máis concretamente, 6 talleres coa participación de 54 mulleres, o que permitiu un espazo de análise  sobre os determinantes sociais na vida sexual e reprodutiva das mulleres nas diferentes etapas da vida: nenez, mocidade e adultez. Nestes talleres abordáronse contidos sobre os roles de xénero, crenzas e prácticas respecto das desigualdades na vida sexual e reprodutiva das mulleres.
As mulleres nicaraguanas participantes no proxecto mostraron gran disposición, apertura, motivación e compromiso para darlle continuidade ao plan de afectividad, equidade e respecto (AER) así como a súa disposición e  interese en continuar co plan de autocuidado AER, sobre todo na realización de recoñecementos xinecolóxicos, xa que consideran que é de gran éxito e beneficio para a mellora da súa saúde sexual e reprodutiva.