No mes de febreiro presentouse a xustificación da primeira anualidade do proxecto “Prevención de la Violencia de Género y mejora de la Salud Sexual y Reproductiva de las mujeres en 10 comunidades de El Viejo, Chinandega (Nicaragua) FASE II”, cofinanciado pola Xunta de Galicia e promovido por APADEIM e Fundación Mujeres. No informe técnico intermedio detállanse as accións que se desenvolveron ao longo do 2016 coas mulleres e homes participantes das comunidades rurais do Vello.
En 2016 leváronse a cabo un total de 12 talleres formativos, 6 coas mulleres e outros 6 cos homes, así como 2 encontros intercomunitarios. Ademais, 67 mulleres pasaron pola consulta do Centro de mulleres Xochilt Acalt, situado en Malpaisillo, para realizar os recoñecementos médico ? xinecolóxicos correspondentes, chegando a realizar un total de 101 atencións médicas.
No mes de decembro realizáronse os grupos focales de seguimento, tanto con homes como coas mulleres das comunidades, nos que se aproveitou para facer a avaliación da intervención realizada nesta primeira anualidade do proxecto.
