No marco do proxecto  «Prevención de la Violencia de Genero y mejora de la salud sexual y reproductiva de las mujeres en diez comunidades de El Viejo, Chinandega,»(Nicaragua)” Fase II,  cofinanciado pola Xunta de Galicia e executado por APADEIM e Fundación Mujeres,  levouse a cabo a charla médica, previa aos recoñecementos xinecolóxicos, na cal principalmente se explica en que consiste o exame Papanicolaou e recálcase a importancia de realizarse o exame unha vez ao ano para a prevención do cancro cervico  uterino.

A través da dinámica participativa choiva de ideas pregúntaselles a preto da súa experiencia previa respecto ao exame. Polo xeral, as mulleres expoñen que para elas, cando lles realizaron, o exame foi doloroso, que non utilizan o especulo de tamaño adecuado e que pasan meses e non entregan os resultados a tempo. Todas os presentes xa se realizaron o exame algunha vez.

Posteriormente móstrase un vídeo sobre as Infeccións de Transmisión Sexual e realízase unha discusión, en plenaria, sobre a importancia do uso do condón en toda relación sexual. Algunhas delas comparten que viviron a infidelidade das súas parellas e sentíronse expostas ás ITS.

A Dra. Carvajal, médica do Xochild Acalt, explica, de maneira demostrativa utilizando especulo, espátula, cito cepillo e maqueta dos órganos sexuais femininos, como se realiza o exame e os requisitos para realizarllo.

As mulleres consultaron que procedementos cóbrense desde o proxecto, en caso de ser necesarios, e as datas que están dispoñibles debido a que moitas delas están a necesitar atención xinecolóxica de forma inmediata.

Unha vez aclaradas todas as dúbidas que as mulleres tiñan por parte da Dra. Ena Carvajal, quedamos pendentes coa programación das consultas individuais.

Na charla participaron 41 Mulleres das 10 comunidades beneficiarias do Proxecto: El Manguito, Pueblo nuevo, La Curva, Aurelio Carrasco, El Pedregal, El Congo, Las Chinas, Buena Vista, Mata de Cacao y Los Playones.