Utilizando como ferramenta o Informe sobre Estado e Situación da Violencia contra as Mulleres presentado pola Dirección Xeral de Estatística e Censos (DIGESTYC) e o observatorio do Instituto Salvadoreño para o Desenvolvemento da Muller (ISDEMU), obtívose información sobre o aumento do número de feminicidios no que vai de ano, en comparación co ano anterior.

Como resulta moi importante ter actualizada a información sobre o contexto ao que se enfrontan as mulleres, contrastáronse os datos do informe coa atopada tras a elaboración dos mapas de prevención de risco contra as mulleres dos municipios de Ataco e Sonsonate e procedeuse á súa actualización para a súa posterior difusión.

A contextualización desta problemática serviu para analizar a evolución que veu tendo a violencia en contra das mulleres ao longo dos anos. Nese sentido, analizouse a evolución que experimentou O Salvador en canto ás distintas problemáticas ás que se enfrontan a diario as mulleres, conforme aos estudos do Instituto Salvadoreño para o Desenvolvemento da Muller, ISDEMU, realizados en 2016, en canto aos feminicidios, violencia sexual, violencia laboral, violencia física e intrafamiliar, aos cales se sumaron os datos estatísticos recolleitos pola Dirección Xeral de Estatística e Censos, DIGESTYC.

Con esta información contextualizada actualizáronse os mapas dos devanditos municipios que serán entregados nos próximos días. Esta é unha acción que se realiza no marco do proxecto “Contribuíndo ao empoderamiento das mulleres nos dereitos sexuais e reprodutivos e dunha vida libre de violencia no occidente do Salvador”, executado por Las Mélidas en coordinación con Fundación Mujeres e o apoio financeiro da Xunta de Galicia.