O próximo 22 de decembro celebrarase no Centro Municipal de Empresas da Coruña o XII Encontro entre Emprendedoras e Empresarias: «estratexias de comercialización, reto e oportunidade».

A finalidade desta xornada gratuíta é crear un espazo de encontro entre emprendedoras, empresarias e entidades que apoian o emprendemento de mulleres.

Nesta xornada contaremos coa presenza de Berta Mosquera, da Concellaría de Emprego e Economía Social, que falará sobre as liñas de apoio ao emprendemento do Concello da Coruña.

A continuación, a empresaria Mapi Báez, explicará que é Social Selling e como utilizar este novo método de conseguir clientela.

Logo dun descanso networking, un grupo de empresarias debaterán sobre estratexias eficaces de comunicación para acadar vendas.

Nos próximos días publicaremos o programa definitivo da xornada.

Se estás interesada en asistir, podes inscribirte AQUÍ.